Admin
Admin
عدد المساهمات : 10
تاريخ التسجيل : 13/07/2009
 |  موضوع: ♥♥ يسألوني كيف أستعدتي رشاقتج شعاري (الصحهxالرشاقه)ملف متكامل وبالصور ♥♥► الخميس سبتمبر 29, 2011 4:45 pm | |
| البطاقه الشخصيهالوزن السابق : اقصى وزن وصلت له كان (85)وكان عمري وقتها 20الطول:1,66اسباب زياده الوزن : حاله نفسيه +ظروف قهرتني +امراض وادويه+مفاهيم خاطئه عن التغذيه الوزن الحالي :68ك الفتره الي اخذت فيها وقت عشان انحف:6اشهر نزلت نصف الوزن..6اشهر ثانيه نزلت النصف الثاني العمر:عمري حاليا 25 داخله بعد شهر وشوي 26 سنه الحاله الاجتماعيه : عزباءالمهنه: قاعده فالبيت تثبيتي للوزن :صار لي سنتين وانا محافظه على الوزن الي وصلت له ولله الحمد.. صرت اكثر
ثقه بنفسي , , الكل يمدحني ويسالني وين مارحت ,صرت ما اعاني في محلات
الملابس احصل البس والمقاس الي ابغيه وبكل سهوله ,صحتي تحسنت +نفسيتي .. بسم الله نبدا اولا:تجنبي التسالي .. ترى مامنها الا المضره يعني اقطعي  الشبس,الحلويات,البسكوتات=الكوك يز,الايس كريم,المشروبات الغازيه لانها بعد حرام فيها ماده مستخلصه من الخنزير ,يعني اي شي مسلي =مضر ثانيا:ابتعدي عن المقليات...يعني اي شي اقلبيه يامشوي ولا مسلوق ولا مطبوخيعني الدجاج اشويه ولا اطبخيه مع الزر =كبسه ,ولا مع الصالونه البطاطا فالفرن .. وبعد شفت طريقه لوحده لحد الحين ماجربتها بس بجربها فالقريب العاجل تنقع البطاط في ماي وملح ويمكن خل وبعدين تطير الماي وترش فوق فلفل بابريكا واريقنو ودخله الفرن المهم اي طبخه فيها قلي حطي عليها اكس اقلبها لشي صحي والليقيمات والبسبوسه والكنافه الخ الخ اقطعيها ما منها الا الامراض وعلى فكره احنا السمبوسه ندهنها بفرشه حقت الطبخ وندخلها الفرن وبعد في جهاز زين بس قريت انها بس ممتاز للبطاط لان بس تحطون بس ملعقه زيت يكفي اما السمبوسا قريت انه يقطعها والكبه الخ الخ انا قلت الوحده لازم تلف ورقتين من عجينه السمبوسا عشان ما تتقطع لان نحنا كذا نسوي ترى جبت صورته من قوقل للامانه المهم جينا للسهل الخبز والالبان الخبز الابيض اكس كله اسمر بجميع انواعه :خبز سليس =شرائحصمون خبز العربي العادي .. كله لازم اسمـــــــــــــــــــــــــــ ــــــروالرز بسمتي .. لان
اخصائين التغذيه يقولون للي ما يحبون الرز الاسمر يستخدموا ارز بسمتي...
ليه مدري.. يمكن لان نسبه النشويات فيه قليله مب نفس الرز المصري عالي
الكربوهيدرات واستبدلي المكرونه البيضه بالسمره بس للامانه اختى جربت الرز الاسمر والمكرونه السمره ... وما قدرت تتقبلهافخليج على بسمتي << me 2والاجبان الاجبان انا ابصراحه خلاص خير شر ما اكل الاجبان المصنعه (بروسيسرز شيز)لانها كلها بلاوي اكل جبنه اريش .. صحيه لانها طبيعيه +قليله الدسم صورته لكم  واما الحليب +اللبن +الروب+الزبادي+اللبنه كلها قليله الدسم ملاحظه مهمه: لا تشترون منتجات خاليه الدسملان اللغط عليها كثير ... انها قليله الفوائد+شفت في برنامج (ذا دكتورز الي تجيبه قناه ام بي سي فور ) ان المنتجات الخاليه من الدسم عشان تكون مقبوله كطعم .. يحطون فيها شغلات زين الحين لنا بنكمل سنه وحنا بعد مغيرين بعد شي مهم في حياتنا<<اقصد انا واهلي انا نحنا نحاول نخلي اكلنا كله طبيعي .. يعني مش معلب لان المعلبات حاطين فيها بلاااااااااوي وعلى راسها .. قلوتومات الصوديوم هذي يا طويلات العمر لها حكايه والي زادني شفت حلقه لفوزيه الدريع جايبه دكتور يتكلم عنها القلوتومات هذي لي معاها قصه ... كان يا مكان كنت اقعد مع مرت اخوي اقولها انا رغم بطني بتنفجر من كثر الاكل ... الا اني احس لساني يبا ياكل على الرغم من اني شبعانه بس يبا يطعم زياده الاكل .. فعشان كذا ما نوقف اكل الا وتيجي الصدمه الكبيره ان المصنعين... يحطون قلوتومات الصوديوم عشنا يفتح حليمات التذوق فيظل المستهلك ... الا اهوا احنا ناكل وناكل وناكل الين ما بطونا تنفجر والسبه ان لما حليمات التذوق تنفتح تشهيهكم للاكل وهم حاطين هالماده عشان .. يتم المستهلك يشتري وياكل ... ويشتري وياكل وهم المستفيدن ... ونحنا الخسرانين .. صحتنا +فلوسنا وهذي الماده ممنوعه وتلاقون ... دوم ضرابه من الناس المعارضين وبين الشركات وهي توجد تقريبا في كل المعلبات ولها
اضرار لا تعد ولا تحصى ... الشلل الرعاشي .. العقم ... الزهايمر ..السكر
الخ الخ والله اشياء تشيب ..كتبوا في قوقل وبتلاقون الصدمات فنحنا تقريبا فالبيت خلينا اكلنا كله صحي بس في شغلات ما نقدر نستغنا عنها يعني في اشياء بطلنا ناكلها واذا بناكلها ناااادرا ما ناكلها وشوي ناكل منها اما الفول والفاصوليا ... هذا ترقيبا اساسي في بيتنا صبحا وعشاءا خخخخخخ فقمنا نسوي مثل بعض جيرانا نجيب حبوب الفول .. والفاصوليها ونقع كلا على حده بماي لمده ليله كامله ... ونغير الماي كل كذا ساعه .. يعني الي يريحكم مره مرتين .. وبعدين نحط الحبوب وكلا بروحه في قدر الضغط +ماااااااااااااااااااااي +شويه ملح ..ونخليها تنسلق وبعدها
انزل الماي ... ونخليها تبرد ... ونوزعها في اكياس موزعه ونحطها فالفريزر
.. ونطلعها قبلها بكذا ساعه قبل الطبخ ونطبخها بكشنتها ... ولا تستصعبون
الامر ترى بعدين بتشوفينها شي عااااادي وهذا انا صورته لكم من فرزرنا العزيز صحيح انحنا عندنا شغالات ... بس والله اعرف ناس ماعندهم شغالات وفيهم دسك وركب .. مع ذلك يستخدومن هالطريقه ترى الصحه والرشاقه مهمه ايوا حتى حليب الشاي قليل ادسم والسكر مره اختى قرت انه مب زين ينطبخ .. فخلوه برا .. وحطوا بس ملقعه وحده صغيره شوفوا التسالي حقتي كلها عباره عن اكل مفيد اكل مكسرات .. بس انتبهوا مكسرات الي بالكيلو
.. مش الي تيجي معلبه وحاطين ملح فيها ولا بهارات..الخ.. لا ترى الملح شال
الفايده الي فيها وضر العظام ترى الملح عدو العظام +الكلى +يخزن الماي
فالجسم فيسبب احتباس سؤال... الخ جيبي :كاجو ,فستق,زبيب,الخ الخ بس كلها ساده وبس اخذوا كمشه وحده مش اكثر ترى صحيح الدهون الي فيها مفيده .. بس يمـــــــــــــــــــــــتن وبعد اكلوا فواكه مجففه حتى يصير تشيلونها معاكم فالكشتات بدل التسالي المضره اخذوا تين مجفف,مشمش,والي تحبونه انا بس احب ذيلا وبعد مش اكثر من 3قطع ترى يمتن وتسلوا بفواكه طبيعيه مش هالبلاوي جلكسي ودوريوتس الخ الخ اكلوا عالماشي موز , تفاح ,جوافه الخ الخ وصورت لكم الي حاليا عندي  واذا كنتوا .. وماتريدون تاكلون فوق الوجبات ال 3 سوا سلطه ولا ترشون ملح اعصروا ليمون فوقها او حطىواشويه خل كذا يعني اشياء زينه  انا عن نفسي فاليوم الواحد ما اجمع بين هالاثنين المكرونه والرز لان بروحهم هالاثنين قنبلتين من الكاربوهيدرات فاكل وحده منهم فاليوم بس.. واصلا انا مقاطعه المكرونه .. نادرا ما اكلها جينا عالعصاير اطلب دوم عصاير فرش واقول لا يحطون فيها سكر واذا كنت
مستعجله اخذ يا عصير تفاح ولا برتقال ... لان هالاثنين الوحيدين الي
متلاقونهم فيهم سكر ..رغم انهم معلبينها بس مش حاطين سكر فيها وقريت وحده تقول عصير سيزر بالبرتقال والجزر زين .. بدور عليهم ولا انصحكم في الي مطلعينه .. عصاير بلا سكر طعمتها .. وطعمها حاااااالي .استغربت ... قلت يمكن حاطين من هالبلاوين .. السكارين والاسبارتيم ولا استيفيا واش درانا بعد كذا سنه .. ما تطلع دراسه ويقولون انها مسرطنه فخليكم عالطبيعي وااااااااااااااجد زين واما يوم اريد اتسلى واشغل نفسي واسد قرصات خفيفه في بطني اسوي لي شواهي صحيه مثل الي حاطته لكم فالصور بتوعي طبعا ما احط سكر ولا شو الفايده اعدل من هنا .. واخرب من الصوب الثاني وانا قبل ما استخدم اي شي جديد على ...ادخل على قوقل واكتب اشوف اذا فيه مضار ولا لا وبالفعل شفت انه الكركديه كثرته مضره فانا اشرب على فترات متقطعه  جينا للزيوت ابد لا تستخدمون زيوت مهدرجه او زيت النخيل تراه ... طامه كبرىيسبب امراض +يمتن بشكل سريع ومخيف ف اذا بتطبخون استخدموا زيت السمسم ويفضل الطازج الي من المعصره وزيت الزيتون ينحط عالاكل الي قده انطبخ (عالبارد) يعني فوق السلطات ,الفول,الحمص .....اما ينطبخ ...لا مضر ..لانه من الدهون الخفيفه فكثره طبخه تحرقه ويصير مضر .. يسبب سرطان والعياذ بالله وللقلي زين زيت الكانولا ولا زيت دورا الشمس وانا اصلا بطلت اكل مقلي .. بس حبيت اثري معلوماتكم وهذي صوره من ثلاجتنا الحبيبه صورتها لكم  واي استفسار من عنوني >>> بس ابغاكم تدعولي انه الله يشفيني شفاء تمام لا يغادره سقما ويرزقني من حيث لا احتسب .. ويرزقني الزوج الصالح عاجلا غير اجل  نجي للرياضه انا قبل كنت العب رياضه يوم بديت الرجيم بس ما كنت العب يوميا لا بالكثير بالكثير...يوم ايوا ويوم لأومش اكثر من نص ساعه الا يوم اشوف حريم اخاواني يلعبون اكثر قمت ازيد التريض وتجيني الطامه الكبرى الي صار لي 3سنين اعاني منها شوي بيصير عندي تاكل فالمفاصل ادعولي ويوم رحت للدكتور قال عندج نقص فيتامين D وهالشي منتشر في اهل الخليج لان ما نتعرض لشمس الي هيا المصدر الاساسي لهفيتامين وهلما جرا وراء الفحوصات والمواعيد بس الي انصح فيه جهاز السير الكهربائي هذا احسن واااحد لانه موازي المشي وما تعبت منه  بس يوم جبت جهاز (اوربك تراك )شفت الويل لان انا عندي الدهون متركزه فالارداف وهذي صورته من قوقل  فقلت بجيبه لانه نفس الدرج +الدراجه ويا ندمي ندماااه ما انصحكم فيه وبعد كنت ابغا اجيب جهاز( بور بلات) ... لانه بس تقعدين عليه 10 دقايق وبيحرق كل شي بس خلاص على مين .. قد اكلت غيرها من قبل وبالفعل .. قريت لدكتور يقول قص Xقص .. قص =كذب وبعد يسبب تاكل فالغضاريف لانه فيه اهتزاز =تاكل وهذا رابط من عالم حواء <<< واصلا الدكاتره الي فيهم عقل دوم يقولون ... الرياضه الشديده مالها داعي يعني امشوا.. بس .....هذا بحد ذاته كافي وبعد وقفوا رياضه من وقت لي وقت والي تشتغل فالبيت هذا بحد ذاته رياضه وانتبهوا لا تلعبون رياضه اثناء الدوره الشهريه ... بالذات اول الايام وانا
خليت صديقاتي الي يروحون النادي الرياضي يسالون المدربات قالوا عادي ..
زين بالعكس ينزل الدم ... بس انا رفضت لانهم هم بروحهم اي كلام شهاداتهم
هذا ان كان عندهم شهادات معتمده .. وبعدين هم كل الي يريدونه المكسب وانا عاد هالمره استمعت لجسمي ...مش كلام فلانه وعلانه  ايوا تذكرت .. الهمبرغر سواء اللحم الجاهز ... او الكبه او التكا او الفيليه اوالنقانق الخ الخ ابتعدوا عنها لان حاطين فيها مواد مضره +تفتح الشهيه +فارمين اللحم ع العظم ع الغضاريف ع الشعر .... والله كلها بلاوي فاذا تبون تاكلون ... سوها فالبيت .. جيبوا لحم وافرموه وسوه.... واذا ما تعرفون دوروا على طبخات فالنت وبتعرفون تسونه واللحم
اذا ماكنتوا تعرفون او تقدرون تفرومونه عادي شيلي لحمتج خخخخخخخ حلوه
لحمتج.. ووديها لعند فرام اللحم وهو بيفرمها لكم... وقولوله يحط فيها
خلطات لكل اكله تبونها يعني خلطه الكبه غير عن خلطه الهمبرغر وانا عن نفسي ما افضل انه يحطه بهارات الخلطه ... لان احتمال حاط مكعبات ماجي هذي عاد مصيـــــــــــــــــــــبه ... لان حاطين فيه قلوتومات الصوديوم =بكربونات الصوديوم (احنا مانعين الماجي فالبيت) هذي الي تفح حليمات التذوق ... وتخلينا ناكل بلا عقل +مخاطرها الصحيه وبعد بعيد
وبزيد تجنبوا الاكل المضر :فطاير ,بيتزا,دونات كبتشينو,موكا,هوت شكلت اي
شي sweet الخ الخ كله عباره عن قنبله تمتن من غير فوايد الا عاد اذا بتخلون عجينه الفطاير من الدقيق الاسمر واي استفسار استفسروا .. من عنوني واصلا انا اكثر من مره .. قلت بنزل هالموضوع لحوائيات عالم حوا عشان يستفسدون واخذا اجر ونصيحه ذهبيه انا طول عمري اقول بسوي ريجيم بسوي ريجيم ... بس ما كنت اسوي اي ريجيم بس يوم قلت انا بنحف عشان صحتي .... الحمدلله الله وفقني وقدرني اني اسوي ريجيم وانا ع نفسي ما اسميه ريجيم لأ هذا بالنسبه ليlife stye يعني حتى اهلي يسالوني انتي لين متى بتمين كذا ... قلت طول الحياه لان هذا مب ريجيم .. هذي طريقه معيشه صحيه  سوري
حطيت اضافه ومش حابه احد يدخل ولا يشوف الاضافه الا بين الردود ومايشوفه (
على فكره انا قاعده احط نصائح اكثر بس بين الردود .. والله حبيت انبه ..
عشان محد يجي يقرى الموضوع ويطلع وينحرم من النصائح الزايده) | |
|
